呢間麵包舖嘅明太子麵包真係由鬆軟又好味！佢嘅明太子真係一啲都唔吝嗇，成個麵包都鋪滿明太子！
我食完之後再決定買返香港！回港後，擺喺雪櫃，之後再焗返熱，都超好味！
臨走記得買返幾個！
Location :博多駅 Deotis
明太子的誘惑@博多駅
九州
福岡博多駅美甲篇
美甲人源至於日本，款式非常新穎，嚟到福岡當然要試吓！
一共有兩間主要美甲店
1) 位於巴士總站的地庫b/1
週日客人不多，不過都係建議先預約，呢間係我親身體驗過嘅舖頭，做一套gel甲連單色大概不多於1小時原因係佢有兩個美甲師同事幫我做左手及右手！正所謂，第一美甲師處理完的手另外一位美甲師也會做 4-eye check非常仔細！
講到價錢亦非常合理！如果有時間大家不妨試吓。
2）另一間位於博多駅JR站 G/f deitos ，位置就喺角落頭超級市場隔離，一啲都唔難找，呢間舖頭好早就開門，好夜先至閂門我見到早上9:00已經有人喺度做緊美甲，可能位置方便，呢間舖頭長期都有人幫襯！
我自己就會比較選擇巴士總站地庫那一間，因為呢間舖位其實是一間open shop，即是你美甲途中別人也可以會路過同你say hi！
Somewhere Restaurant & Bar @ Miyako Hotel Hakata
臨上機當然要吃一個 relax 的午餐！我們預先在tablelog訂了位於博多駅 Mayiko Hotel Hakata 的 13/f 的 Somewhere Restaurant & Bar，
福岡県福岡市博多区博多駅東2-1-1
都ホテル 博多 13F
■電話番号
092-441-3113
我哋兩個人都揀咗2700 円 的 light lunch ，千祈唔好俾佢個名呃到，呢個餐好多嘢食，一啲都唔”light”，仲有無限麵包。淨係個頭盆已經夠晒花巧。仲有任食麵包，除了主菜，仲有甜品同咖啡。仲有靚仔款待。✌️最搞笑係個侍應每次合埋同我講嘢都踢到到我把遮，每次都講對唔住，一共唔小心踢了五次！場面十分搞笑🤪！由於佢太靚仔我係唔會怪佢🤩。
呢間餐廳都好深受日本人嘅歡迎，座位差唔多九成滿，如果想食一定要訂位！
旅程最後一天終於落微雨了無損我們的心情。酒店仲可以免費借庶非常貼心！
物超所值的Sukiyaki 西新初喜
今次我哋惠顧嘅餐廳有好多分店，但係我揀咗位於博多駅內的西新初喜 くうてん博多店！由板急百貨搭lift上9樓就直達。
呢間餐廳食家的評分非常之高，好多utuber 都介紹過，而佢嘅午餐更是超值！由於我哋唔食牛肉，所以選擇了兩款不同的豚肉及Sukiyaki 湯底。定食套餐包括醃蘿蔔及牛肉作前菜、蔬菜豆腐、飯、一隻Sukiyaki用嘅雞蛋、一杯飲品及一個雪巴。一個高質定食呢個價錢唔使3000円仲有VIP房你話係咪超值！
呢間餐廳冇規定客人一定要叫同一款肉，令客人可以試到不同的肉質。不過要叫同一款湯底，因為VIP房只得一個爐！
食材方面，非常新鮮，味道亦調教得非常之好！
我哋用開 Hot pepper戶口一早訂咗位，所以就可以享用VIP房感覺非常尊貴😉！
最後我們也追加了一份1100 円的雞肉丸，其實清湯係比較配合雞肉丸，不過我哋又想食咁唯有用Sukiyaki湯配合，當然唔係好夾！
飲品方面，可以揀凍或熱咖啡之類！而雪巴就是柚子雪巴！
真心好味，真心抵食，我下次一定會再來！等我呀！
我的評分：9.5/10
博多駅三大主樓兩大入口
這一篇是寫給第一次去福岡旅遊的人士！
博多駅主要分為博多口及筑紫口。所以如果你住在博多駅附近酒店必須一早了解酒店接近那一個入口。
博多三大主一樓主要坐落喺博多口分別係巴士總樓、AMU Mall 及 Kitte Mall 。所以我覺得主要在博多口比較方便！
博多口附近的酒店包括 ：
JR Kyushu Blossom Hakata Cho (方便極)
Dukes Hotel Hakata classic style)
Nikko Hotel (very old)
Forza Hotel
The Blossom Hakata Premium (quite far) around 5 blocks from Hakata Station
Mitsui Garden Hotel (quite far) around 5 blocks from Hakata station，酒店樓下有間極美味嘅明太子三文魚子丼飯，由於成日大排長龍，現在一早到餐廳可以喺9:50am 先行攞lunch 既籌！
筑紫口附近的酒店包括 ：
Oriental Hotel (new) 方便極
Miyako Hotel (new) 方便極
JR Kyushu Blossom (next to Miyako) 可以接受
要留意酒店官網如果距離博多駅5分鐘路程其實已經相當遠！3分鐘以內最適合！
三大主樓
1) 巴士總樓
– b/f massage and 美甲店 (need booking)
– g/f 機場巴士／太宰府巴士
– 3/f 高速巴士 （例如往熊本）
– 4/f 超大 Daiso
– 6/f Lolipo 超級市場
2) AMU (attached to 板急百貨及 JR Hakata City）
– g/f JR 入口及大部份手信的所在地
– g/f 3 coins 300yen 店
– 2/f 退稅櫃檯 （留意，由於有手續費退稅只得8.5% ）
– 6/f 無印良品
– 9&10/f 全層食肆
板急百貨 (10:00am – 8:00pm) Hankyu Department Stores
– B1/f 超級市場
– g/f Fancl , passport coupon exchange counter
– 3/f Restroom
– M3 tax Refund (有手續費)
3) Kitte 0101
– b1/f 最強拉麵店 Shin Shin 及其他居酒屋 營業時間7:00am – 24:00 pm
– 5/f Seria 100 yen 店
– Uniqlo
– 9/10f 食店
完整的地圖：
博多駅三大樓不同食肆QR code 一覽無遺
由博多／天神出發到呼子
由福岡機場／博多駅或天神出發也可乘高速巴士到大手口站轉昭和巴士到呼子。
最早班車6:56 pm由博多巴士總站 3/f 32 號口上車。點解要神咁早因為去嘅原因是為了呼子朝市，早上十時後很多檔攤又關！我提議大家可以揀假日先至來，因為平日好靜，好多舖頭都冇開！
– 6:56 am 出發 8:24 am 到達＂大手口＂ （1800 yen 來回）車程大概個半小時
– 由＂大手口＂出發到＂呼子＂ (760 yen)
以下是可以查詢昭和巴士的連結
– 呼子下車行步行五分鐘到呼子朝市 (周邊都有指示牌，非常容易辨認）
– 行完朝市（其實1秒行完）就去乘觀光船
– 最後在附近餐廳享用午餐！如果你對用餐有一個極高水準嘅要求，可以搭的士去出名嘅河太郎及或萬坊！
觀光船分兩種：1）睇岩石（2000 yen) 2）睇魚 (2200 yen)
其實由＂大手口＂轉巴士的時間比較急，大概只得15分鐘，如果去程車遲咗就會非常急，而且轉換巴士是另一間公司上車地點不是原本下車的地點。所以落車之前一定要問司機怎樣去那個到搭呼子巴士的站！如果自己搵一定趕唔切！同樣地由呼子到大手口也會碰到同樣嘅問題落車嘅地方，要兜一個大灣到另外一個巴士總站才可找到高速巴士！
可能你心諗問途人咪得囉，最弊周圍人都唔多過！
可能你會話接駁唔到咪等下一班接駁囉，最弊佢每班車相隔差唔多1小時！所以除非自駕遊，否則十分之唔建議去呢個地方！
勢估唔到＂呼子朝市＂竟然係日本三大朝市，真係極度名過於實，相比高知朝市佢真係要行埋幾邊！
最令我哋覺得安慰嘅就係可以食呢個活海賊餐，由於平日好多餐廳都冇開，行咗兩間都摸門釘，結果揀咗呢一間，＂萝邸＂。雖然唔係乜嘢名牌餐廳不過味道都非常 ok ，而且我們期待已久嘅活海賊加天婦羅海賊都有得食！足以平衡了我哋長途跋涉及超眼瞓嘅不平衡心理。
完整一條活海賊會先上碟（兩位起），食剩嘅魷魚鬚同埋背脊就會攞去做天婦羅！真心講人生係要食一次，真心新鮮，好味及大滿足。
如果有問題佢嘅觀光案內所就係巴士總站入邊。係非常簡陋，不過如果要問車程或者一般資訊都冇問題。
壽司狼@ Nikko Hotel Fukuoka
第一次向日本試酒店嘅 Omakasen。－早電郵訂位。我倆也選了＂明＂餐。兩個人一共吾洗 hk$ 1000。吾算貴，可以接受。不過飯嘅質地同埋魚嘅款式都不是太適合我們。
餐廳真正名字叫字＂銀名翠＂！壽司狠只是用來形容客人的食相 ，😺！
其實日航酒店嘅鐵板燒餐廳＂銀杏＂比較出名，但由於我哋唔食牛肉，所以就冇試！
福岡的士
博多是一個很細的城市，由機場搭普通的士到市區，例如博多駅或者天神也只不過是2030 yen 左右（包埋司機同你一齊搬行李）。點解我特別提及普通的士？因為喺福岡除咗普通的士之外，仲有一啲特大的士可以載到更多嘅人及行李當然收費會比普通的士貴。機場門口主要分兩條隊一條是普通的士叫做Normal Taxi，另外一個較遠嘅隊就是特大的士。
想慳啲錢，又可以考慮用用呢個的士app用呢個優惠碼可以有500円優惠！
如果有老人家，想利用的士去較遠的近郊也可以考慮預訂的士去你喜歡的地方。價錢分為細的士及大的士，細的士可以容納四個人，而大的士可以容納九個人。所以如果有一班朋友九個人都可以考慮吓呢個玩法。旅途中其中一天包車。
大宰府・柳川観光きっぷ2
福岡 Lalaport
由博多出發可以到博多巴士總站搭4 4號巴士。車程二十分鐘。由於這個地標距離市區不遠，很多本地人也踩單車到達！
由博多駅搭的士到 Lalaport 成為1630 yen ，都合理。商場商店10:00開門大部份餐廳11點開門。如果你哋是第一批客人入門口，當然可以享受當你係CEO嘅敬禮！回程如果搭巴士或的士都是在停車場地面上車，即 Kidzania 搭lift落一層。
推介餐廳：如有有睇 u-tuber 介紹應該知道 food court 的炸豬扒非常受歡迎。餐廳店叫＂知青＂。千祈唔好去錯咗隔離冇人去嗰間啊！開門前可以預先預先撳定飛。大概到12點前大概到12點就已經坐滿。就已經坐滿。
豬扒真係唔錯，不過最好味都係隻大蝦！另外仲有麵豉湯椰菜及飯都係任添嘅！
呢個商場一定唔會行到攰，因為周圍都有梳化任你坐，你仲可以考慮食吓雪糕，佢 g/f 嘅北海道甜筒雪糕350円都唔錯。
商場內嘅洗手間亦好華麗。
早晚時鐘每搭正十二也有高達表演！表演大概2分鐘，晚上嘅＂光演＂牆壁上會有不同嘅卡通配合。
呢個商場大概都可以消磨幾個鐘頭時間！這裏仲有一個露天免費兒童樂園給小孩玩及一個要付錢的叫 Kidzania。
以下是可以退稅嘅舖頭：可以在店舖內出示Passport直接退稅非常方便。最重要嘅係冇手續費，我真係要俾個讚！
有一間醫療產品舖頭叫Phiten位於 G/floor，由於我哋有用開佢嘅產品，所以我哋就入去睇吓有咩新嘢，結果就比較新型按摩機吸引住，決定一試，由於時間太短未試到真正嘅效用。如果各位朋友都對呢個產品有興趣都可以入去免費試吓佢哋嘅止痛貼，可以叫店員幫你貼或者啲單張都有止痛貼（無藥性舒緩疲勞）釘起免費贈送。另外枱面亦都有大有細嘅止痛貼可以幫客人免費使用。😸
另外佢仲有呢款最新出嘅舒筋活絡機，我試咗一陣，不過唔係好感覺到佢嘅效用！價錢相當揦脷！而且呢間舖頭係冇得退稅！
你仲可以用我以下單張免費試吓顯示嘅按摩方式！
福岡塔 Fukuoka Tower
由博多駅出發，可以在博多巴士站，6號站口搭 306巴士直達，車程大概 25 分鐘。車費 240 Yen。
由天神出發可以在 1A巴士站搭 W1 或 302巴士，車程大概 15 分鐘。
下車車站的名，即 pay pay 之後第四個站。
回程車可以喺到達車站嘅對面搭306 或312 巴士回博多駅。
回程可以參考以下資料
開放時間 （9:00-22:00) 最後入場時間是 21:30
費用如下：特別留意，生日（三日前或七日後）也是免費
留意觀景台並沒有洗手間，要用入口1/f 或餐廳2/f 的洗手間。
每天晚上亮燈的時間及花款也不一定一樣，可以在官方網站了解！
Www.fukuokatower.co.jp
想浪漫一點❤️可以花些錢在特定觀景台用餐或用30000 jpy 用燈飾顯示你喜歡的心形圖給你的 babe。兩様一同準備來求婚也是不錯的超值選擇！
如果想有優惠好簡單，喺博多駅案內所櫃檯有張九折卡！大人、學生、幼兒都有得平！每一張優惠券可以五個人用，唔使每人攞一張！真人測試過係可以用的。
總括嚟講最適合到達的時間是大概五點可以享受到黃昏的景色而且之後喺附近食飯再可以影埋福岡塔嘅夜景先走，一舉兩得！
因為我哋咁啱撞正Hello喂，所以仲有Halloween嘅燈飾。
我哋臨走仲喺手信店買咗一盒明太子麵包醬！
我哋參觀當天因為2/f餐廳俾人包場，所以我哋唯有去隔離的大廈享用晚餐，選擇了一間西餐廳 “Coffe Otto”！
呂勁甜 